Кенияда башталгыч мектепте чыккан өрттөн 17 окуучу каза болуп, 70 адам дайынсыз болуп жатат деп билдирет CNN телеканалы.
Кениянын полиция кызматынын басма сөз катчысы билдиргендей, өрт бейшемби күнү түн жарымында жеке менчик мектеп-интернатынын балдар жатаканасында башталган. Ал кошумчалагандай, балдардын денелери танылгыс болуп күйүп кеткен жана өрттүн себеби азырынча белгисиз. 11 окуучу ооруканага жеткирилген.
Кения өкмөтүнүн басма сөз катчысы өрт чыккан учурда жатаканада 150дөн ашык бала болгонун билдирди.
Кениянын Билим берүү министрлиги билдиргендей, мектепте 824 окуучу окуйт. Алардын 402си эркек балдар, 422си кыз. Ошондой эле 156 бала жана 160ка жакын кыз жатаканада жатып окушат. Калганы күндүз келип окугандар.
«Дайынсыз жоголгондордун тизмесинде 70 бала бар. Бул алар каза болду же жаракат алды дегенди билдирбейт. Алар дайынсыз жоголгондордун тизмесинде деп жатышат. Биз дуба кылып, жакшылык тилеп жатабыз», — деди маалымат жыйынында президенттин орун басары.