Кечээ, 7-октябрда Санкт-Петербургда Көз карандысыз мамлекеттер шериктештигине (КМШ) мүчө мамлекеттердин мамлекет башчыларынын бейформал саммити өттү. Ушул эле күнү Орусиянын президенти Владимир Путин 70 жашка толду.
КМШ мамлекет башчыларынын Путинге берген белектери:
Беларустун президенти Александр Лукашенко журналисттерге берген маегинде өзү колдонгон «Belarus» үлгүсүндөгү тракторду үрөн сепкичи менен чогуу берерин айткан.
Өзбекстандын президенти Шавкат Мирзийоев Владимир Путинди жогорку даражадагы Достук ордени менен сыйлады. Бул тууралуу Өзбекстан президентинин басма сөз катчысы билдирди. Сыйлык өлкөлөрдүн элдеринин ортосундагы салттуу достук жана кызматташтык мамилелерди өнүктүрүүгө кошкон зор жеке салымы үчүн, ошондой эле Владимир Путиндин 70 жылдыгына байланыштуу деп ыйгарылган.
Азырынча башка президенттер эмне белек кылганы белгисиз.