Ырчы Шакиранын туулган жери болгон Колумбиянын Барранкилья шаарында бийиктиги 6,5 метр болгон коло айкели орнотулганын El Espectador басылмасы жазды.
Шакиранын өзү эстеликтин ачылышына катышкан жок — анын ата-энеси жана бир туугандары мэр менен жолугушту.
Маалым болгондой, скульптура толугу менен колодон куюлуп, анын бийиктиги 6,5 метрди түзөт. Айкел 2005-жылы тартылган «Hips Don’t Lie» клибиндеги Шакиранын образында жасалган. Басылманын айтымында, Ино Маркес айкелди жаратууга беш ай убакыт кетирген. Буга райондук искусство мектебинин окуучулары жардам беришкен.