Конго Демократиялык Республикасынын түндүк-батышында ысытма менен коштолгон оору катталды. Саламаттыкты сактоо министрлигинин маалыматы боюнча, ооругандардын саны 943кө жетип, алардын 52си каза болгон. Бул тууралуу Actualite басылмасы жазды.
Оорунун биринчи учурлары 9-февралда катталган. Бул бардык курактагы адамдар үчүн коркунучтуу жана жогорку температура, чыйрыгуу, баш жана муун оорулары менен коштолот. Министрлик Эбола вирусунун чыгышын жокко чыгарды, бирок оорунун келип чыгышы азырынча белгисиз бойдон калууда. Бул өлкөдө мындай эпидемиологиялык кырдаал биринчи жолу болуп жаткан жок. Өткөн жылдын ноябрында Конгодо белгисиз оорудан 143 адам каза болгон. Оорулууларда сасык тумоого окшогон белгилер, анын ичинде жогорку температура жана катуу баш оору байкалган. Мындан тышкары, дүйнөлүк саламаттыкты сактоо уюму декабрдын башында Конгодо «Х оорусу» деп аталган оорунун чыгышын жарыялаган.
