Орусияда акыркы суткада коронавирустан 820 адам көз жумду. Ошол эле учурда 21 миңден ашуун киши ооруну жуктуруп алганы аныкталды. Бул тууралуу ыкчам штабдан билдиришти.
Буга чейин 26-августта да 820 адам өлүмү катталган. Акыркы үч күндө өлүмдүн деңгээли күнүнө 800дөн ашып жатат. Ошентип, каза болгондордун көпчүлүгү Москвада — 54 жана Санкт-Петербургда — 53 катталган.
Орусияда коронавирустан көз жумгандардын жалпы саны 201 миң 445 адамга жетти. Ооруну жуктургандардын жалпы саны 7 миллион кишиден ашты.