Улуу Британияда коронавирустун жаңы омикрон штаммынан жабыркаган биринчи бейтап көз жумду. Бул тууралуу дүйнөлүк ЖМКлар жазып чыгышты.
Буга чейин бул штаммдан көз жумгандар каттала элек болчу. Улуу Британиянын премьер-министри омикрон штаммы коронавирустун жеңилирээк версиясы деген ойдон баш тартууга үндөдү. Ал инфекция жогорку ылдамдыкта жайылып жатканын эске салды. «Биз кыла турган эң жакшы нерсе — вакцинанын күчөтүлгөн дозаларын мүмкүн болушунча тезирээк алуу», — деди саясатчы.
Британиянын Саламаттыкты сактоо министрлигинин башчысы Сажид Жавид учурда Улуу Британиянын ооруканаларында COVID-19 омикрондук штаммы аныкталган онго жакын жаран бар экенин билдирди.