Кытай депутаттары калктын саны азайып баратканына каршы күрөштүн алкагында жаштар үчүн жумуш күнүн чектөөнү жана сегиз сааттан ашык иштөөгө тыюу салууну сунушташты. Бул тууралуу Financial Times жазды.
Депутаттардын айтымында, мындай жагдай жаштардын сүйүүгө көбүрөөк убакыт бөлүүгө жол ачат. Мындан тышкары бала бакчаларда жыныстык тарбия сабагын киргизүү сунушталууда.
2021-жылдын май айында Кытай бийлиги өлкөдөгү демографиялык абалды жакшыртуу үчүн жубайларга үч балалуу болууга уруксат берген. Кытайда “бир үй-бүлө – бир бала” саясаты 1979-жылы киргизилген. 2016-жылдан тарта жарандарга эки балалуу болууга уруксат берилген.