Кечээ, 22-октябрда Пекинде Кытайдын Коммунисттик партиясынын XX съезди ишин жыйынтыктап, анда жакынкы беш жылда өлкөнүн башында тура турган жетекчилик шайланды. Кытайдын төрагасы Си Цзиньпин Борбордук комитеттин бийликчил органын жаңылоону чечкен көрүнөт. Бул тууралуу South China Morning Post басылмасы жазды.
Компартиянын съездинде коомчулук көңүлүн бурган дагы бир окуя болду. Анда Кытайдын мурдагы лидери Ху Цзиньтаону колунан кармап залдан чыгарып кетишти. Интернет булактарына анын чыгарылып бара жатканы тартылган видео жайылган. Ага караганда, Ху Цзиньтаого залдан чыгып кетүү суранычы күтүүсүз болгон, ошондон улам да чыккысы келбей жатканын көрүүгө болот. Кийинчерээк «Синьхуа» мамлекеттик агенттигинен Ху Цзиньтао өзүн начар сезип жатканына байланыштуу чыгарылганын маалымдашты.
Он был лидером Великого Китая много лет
Зачем так его прилюдно унижать перед всей верхушкой власти и всем миром?
Си этим себя опустил и Китай. Мог бы по-другому ему по носу щёлкнуть раз так хотел.
Наверное Ху Цзиньтао жалеет кого оставил после себя pic.twitter.com/aucn5fcTqa— Roshen (@Roshen996) October 22, 2022
Бүгүн, 23-октябрда Си Цзиньпин Кытайдын Коммунисттик партиясынын башкы катчысы болуп үчүнчү ирет шайланды. Муну менен Кытайдын лидеринин башкаруусу беш жылдык эки мөөнөт менен чектелиши керек деген салт бузулду. Аны Мао Цзэдундун кезиндегидей персоналисттик башкарууга кайтпоо үчүн 30 жыл мурда кытай лидери Дэн Сяопин киргизген болчу.