Кытайдын биринчи учуучу унаасы Kunpeng No.1 сынактан өттү. Ал Түштүк-Чыгыш университетинин изилдөө тобу тарабынан иштелип чыккан. 2-январда бет ачары болуп өткөн бул унаа 4 дөңгөлөктүү. Бул тууралуу кытайлык басылма Global times жазды.
Долбоордун жетекчиси Ин Гоудон келечекте транспорттун жаңы түрлөрүн ойлоп табууну жана экономикага салым кошууну көздөп жатканын белгиледи.
«Бул Кытайдын биринчи учуучу унаасы, дрон технологиясына таянбайт. Жерде айдоо менен абада учуунун ортосунда кыймыл жөндөмүн айкалыштыра алат. Интеграцияланган унаа болуп саналат», — деди Ин.
Максималдуу учуу салмагы 500 килограмм болгон унаа учуу чыдамкайлыгы кеминде 20 мүнөткө жетет жана максималдуу учуу бийиктиги 300 метрден ашат. Университеттин маалыматы боюнча, жердеги ылдамдыгы саатына 60 чакырымга жетиши мүмкүн.