Алматы облусунда 16 жаштагы кызды уурдап, мазактоого шектелгендер кармалды. «Орда» басылмасы жазгандай, шектүүлөрдүн бири Масак айыл аймагынын акиминин аппаратынын кызматкери.
Милицияга кыздын апасы кайрылган. Апасынын айтымында, анын 15 жана 16 жаштагы кыздары бар. 16 жаштагы кызы зомбулукка туш болгон. Ал Шелек деген айылда чоң ата менен чоң апасынынын үйүндө болгон. Ага бейтааныш бирөө интернеттен жазган.
«Кызыма бир аял WhatsApp мессенжеринен «менин жигитим менен сүйлөшпө» деген жазуу калтырыптыр. Кызым макул болуп, жазган кишини кара тизмеге киргизген экен. Эртеси күнү аял кайра жазып, сүйлөшүүгө чакырыптыр. Кызым жаман ойлонбой эле чыккан экен»,- деди апасы.
Алар кызды Масак деген айылга алып барып, бутун өптүрүп, жыгач менен зордуктап, колуна тамекини басып өчүрүп, жылаңачтап сууга салып, тумчуктурушкан. Андан тышкары 3 миллион теңге талап кылышкан. «Кызым мени менен байланышып, «жашагым келбей калды» деп айтты»,- деди аял.
Учурда шектүүлөр кармалып, аларга кылмыш иши козголду. Шектүүлөрдүн бири Масак айыл аймагынын акиминин аппаратынын кызматкери болгон. Дагы бири 2 баланын апасы экени аныкталган.