Ливиянын түндүк-чыгышындагы суу ташкынынан 2 миңден ашуун адам каза болду. 7 миң адам дайынсыз болуп жатат. Бул тууралуу аталган өлкөнүн өлкөнүн премьер-министри Усама Хаммад билдирди.
Бороон-чапкын Ливиянын жээгине Жер Ортолук деңизинен келип, ал нөшөр жаан жана күн күркүрөө менен коштолгон. Өзгөчө Дерна шаары жабыркап, анда эки дамба талкаланган. Бийлик өкүлдөрү 100 миң калкы бар шаарда каза болгондордун саны көбөйүшү мүмкүн деп божомолдоп жатат. Мындан тышкары, аймакта электр жарыгы жана байланыш жок. Ливия эл аралык жардам сурап кайрылды.
