Николас Мадуро Нью-Йорк шаарындагы сотто өзүн күнөөлүү деп тааныбай турганын жана өзүн согуш туткуну деп эсептей турганын билдирди. Ал ошондой эле Венесуэланын мыйзамдуу президенти бойдон кала берерин белгиледи. Сот жыйыны учурунда саясатчы испан тилинде сүйлөп, котормочунун кызматынан пайдаланганын Fox News телеканалы кабарлады.
Мадуронун жубайы — Силия Флорес — да баңги заттарды жана курал-жаракты сатууга байланыштуу коюлган айыптар боюнча өз күнөөсүн мойнуна алган жок. Сот жубайларга Венесуэланын консулдук кызматкерлери менен жолугушууга уруксат берди. Ал эми Николас Мадурону күрөө менен бошотуу маселеси азырынча каралбай жатканын анын адвокаты билдирген.
Мадуронун иши боюнча кийинки сот жыйыны 17-мартка белгиленди.
