Казакстандык вайнер Мейржан Туребаев медиктерге пранк кылганы үчүн жазаланышы мүмкүн. Бул тууралуу «NewTimes.kz» жазып чыкты.
Ал өзүнүн социалдык тармактагы баракчасына видео жүктөгөн. Видеодон анын коронавируска каршы вакцинанын экинчи дозасын алып жаткандыгын көрүүгө болот. Андан соң медкызматкерге вакцина сайылган колунун манжаларын бириктирген абалда барып, эмне үчүн мындай абалда болуп калганын сурайт. Кызматкерлер ага жардам көрсөтүүгө аракет кылышат.
Мегаполистик коомдук саламаттыкты сактоо департаментинин басма сөз кызматы медициналык кызматкерлерди шылдыңдаганы үчүн жазаланышы мүмкүн экенин билдирди. «Казакстан Республикасынын 2020-жылдын 7-июлундагы «Адамдардын ден соолугу жана саламаттыкты сактоо системасы жөнүндө» Кодексинин беренесине ылайык, «медициналык жана фармацевттик кызматкерлердин кесиптик ишине мамлекеттик органдар жана кызмат адамдары тарабынан кийлигишүү» беренелери менен жазаланышы мүмкүн», — деп айтылат маалыматта.