Москва метросунда эркек менен анын мурунку сүйүктүүсүнүн ортосундагы чыр трагедия менен аяктамак. Эркек кишини милицияга алып барышса, кыз кишини поезддин астынан алып чыгышкан.
MVD Media агенттиги 14-мартта билдиргендей, жаңжал «Замоскворецкая» линиясындагы «Войковская» метро станциясында чыккан. Ачууланган адам мурдагы сүйлөшкөн кызын келе жаткан электропоезддин астына түртүп салган.
«Бактыга жараша, машинист авариялык тормозду басып жетишкен, кыз жабыркаган эмес», — деп айтылат маалыматта. Андан соң агрессор качып кетүүгө аракет кылган, бирок аны башка жүргүнчүлөр токтотуп, андан соң полиция кызматкерлерине өткөрүп беришкен. Азыр 39 жаштагы адам полициянын убактылуу кармоочу жайында, ал киши өлтүрүүгө аракет кылган деп шектелүүдө.