Москва шаарынын бийлиги Орусиянын Мусулмандарынын дин башкармалыгынын төрагасы Равил Гайнутдинге шаардагы эпидемиологиялык кырдаалга байланыштуу коомдук иш-чараларды өткөрүүгө тыюу салуу жөнүндө билдирүү жөнөткөн.
«Москва шаарында коомдук иш-чараларды өткөрүүгө тыюу салуу өз ишин улантууда», — деп айтылат Москванын Улуттук саясат жана аймактар аралык мамилелер башкармалыгынын башчысы кол койгон расмий катта. Буга байланыштуу Орусиянын бийлиги расмий түрдө 2021-жылдын 13-майында жарандарды Москва соборунун, Москва шаарынын тарыхый жана мемориалдык мечиттеринин кабыл албай тургандыгын жарыялаган. Майрамдык намаз үч гана мечиттин дин кызматкерлери жана Орусиянын Мусулмандарынын дин башкармалыгынын кызматкерлеринин катышуусунда өтүп, саат 7:00дө муфтияттын YouTube каналында онлайн режиминде көрсөтүлөт. Ошондой эле, аны Россия-1 телеканалынан саат 9:00дө көрүүгө болот.
Москва мэриясы бул боюнча сунуштаманы муфтиятка 26-апрелде жөнөткөн, бирок муфтияттын сайтындагы билдирүү бүгүн гана жарыяланды.
