Мьянмада 17 жаштагы кыз жигитин кулчулукка 14 миң долларга сатып, Таиландга эс алганы кетип калган. Бул тууралуу ЖМКлар жазышты.
Маалыматка караганда, 19 жаштагы жигит кыз менен Кытайдын бильярд клубдарынын биринде таанышкан. Кыз сулуулугу жана Мьянмадан келген бай ата-энеси тууралуу окуясы менен жигиттин көңүлүн бурган. Экөө сүйлөшүп жүргөндө кыз туугандарыныкына конокко чакырган. Жигит макул болуп, үй-бүлөсүнө айтпай сапарга кеткен. Бирок Таиланд менен Мьянманын чек арасында кыз бир нерсени унутуп калганын айтып, алып келүүгө кеткенде жигитке куралчан топ кол салган. Ал ошондон кийин төрт ай кулчулукта жүргөн.
Кабарларга караганда, ал кибер алдамчылык менен алектенүүгө аргасыз болгон, чачын кырдырып, башына чаап жүрүшкөн. Кесепетинен жарым-жартылай укпай калган. Жаш жигит туткунда күнүнө 20 саат иштеп, 10 килограммга арыктаган. Кулчулукка алгандар жигиттин үй-бүлөсүнөн 48 миң доллар талап кылган. Айтылган сумма июнь айында чогултулган. Жигит бошотулду.
Кыз Таиланддан Кытайга эс алууга кеткен жолдо кармалган. Анын жигитин сатканы үчүн алынган сумма 14 миң долларды түзгөн. Азыр ал соттун чечимин күтүп жатат.
