NASA өзүнүн Твиттердеги баракчасында Артемида I миссиясынын алкагында Орион космос кемесинен алынган Айдын жаңы сүрөттөрүн жарыялады. Сүрөт миссиянын бешинчи күнү тартылган, космостук аппарат Айдан 130 чакырым алыстыкта болгон.
Artemis I миссиясы 16-ноябрда башталган. Экипажы жок космос кемеси Айдын чегинен ашып, адамдар үчүн жасалган космостук кемеден да алыс учуп, 25 күндөн кийин Жерге кайтып келет.
Миссиянын максаты — адамдарды Айга жана андан тышкары жерге жөнөтүү. Артемида I программасы ийгиликтүү болсо, NASA ушул он жылдыктын аягында Айга биринчи аялды жана биринчи кара терилүү адамды жиберүүнү үмүттөнөт.
