Непалдагы жер титирөөдөн каза болгондордун саны 157ге жетип, 170 адам жаракат алды.
Непал полициясы мурдараак жер титирөөдөн жабыркаган калктуу конуштардын көбү менен байланыш кыйын болгондуктан, каза болгондордун саны көбөйөрүн божомолдогон.
3-ноябрда АКШнын геологиялык кызматы зилзаланын күчү 6,4 баллга жеткенин билдирген. Жер титирөөнүн очогу өлкөнүн борбор шаары Катмандудан 500 чакырым алыстыкта жайгашкан.