Казакстандын туңгуч президенти Нурсултан Назарбаевдин бир тууган иниси Болот Назарбаев көз жумду. Бул тууралуу Tengrinews.kz жазды.
Маалыматка караганда, ал 70 жашта болгон. «13-ноябрда саат 09:51де Болот Назарбаев узакка созулган оорудан кийин каза болду», — деп айтылат Алматынын борбордук клиникалык ооруканасынын билдирүүсүндө.
4-ноябрда Казакстандын бир катар ЖМКлары Болот Назарбаевдин абалы оор экенин жазып чыгышкан. Басылмалар Назарбаевдин экинчи жолу инфаркт менен ооруканага жаткырылганын, абалы оор жана туруксуз экенин белгилешкен.