Ооганстандын борборундагы Парван провинциясында 500дөн ашуун адам белгисиз жугуштуу оору менен ооруп жатат. Бул тууралуу Ariana News провинциянын губернаторунун басма сөз катчысы Хекматулла Шамимге шилтеме берүү менен билдирди.
Анын айтымында, оорунун көпчүлүк учурлары Шинвар районунун Дара Кашфан аймагында катталып, ооругандардын саны өсүүдө. Жергиликтүү бийлик эки адам каза болуп, дагы 50 кишинин абалы оор экенин тастыктады.
Оорунун белгилери: алсыздык, булчуңдардын оорусу, диарея, дене табынын көтөрүлүшү.