Бүгүн, 24-июнь күнү эртең менен Орусиянын Рязань облусунда Ил-76 аскердик учагы кулап түшкөн. РБК агенттигинин маалыматына караганда, кырсык болгон учурда учакта тогуз адам болгон – алардын үчөө каза болуп, жети адам ооруканага жеткирилген. Башка орусиялык басылмалардын маалыматына караганда, кырсыктын кесепетинен төрт адам каза болгон.
«Коммерсантъ» басылмасы Орусиянын Коргоо министрлигиндеги булактарга таянып, Ил-76 машыгуу учуусун жасап жатканын кабарлады. Ал эми Mash Telegram каналы учак Оренбургдан Белгородго учуп, Рязанда май куюу үчүн конгонун, бирок учкандан кийин унаа абада күйүп кеткенин кабарлады.
Алдын ала маалыматтар боюнча, кыймылдаткычтын бузулушуна байланыштуу экипаж турак жайлардан алыс эмес Михайловское шоссесинин жанындагы талаага авариялык конууну чечкен. Конуу учурунда учак жарым-жартылай кулап, өрт чыккан.