Үч баласын мыкаачылык менен өлтүргөн деп айыпталган Канск шаарындагы эне жети айлык баланын башын кесип, сервантка салып койгонун РИА Новости жазды.
«Ал башын кесип, сервантка салган. Балдардын жансыз денелери ар кайсы жерден табылган. Улуусу — көчөдө, калган эки баласы — жайкы бөлмөдө», — деп айтылат маалыматта.
Шаршембиде Красноярск шаарынын Борбордук райондук соту аялды 2 айга тергөө абагына камап, ал жерден психиатриялык жардам ала турган болду. Отурумда ал күнөөсүн толугу менен мойнуна алды.
Дүйшөмбү күнү Тергөө комитети Канск шаарынын Герцена көчөсүндөгү үйдөн үч баланын – 4 жашар кыз, 7 айлык жана 8 жаштагы баланын жансыз денеси табылганын билдирген. 29 жаштагы энеге карата өзгөчө мыкаачылык менен жасалган адам өлтүрүү беренеси боюнча иш козголду. Ал 20 жылга эркинен ажыратылышы мүмкүн.
Облустук прокуратуранын маалыматына караганда, көп балалуу үй-бүлө 2024-жылдын октябрынан бери профилактикалык каттоодо турат. Атасы буга чейин жети жаштагы баласын сабап салганы үчүн административдик жоопкерчиликке тартылган. 7 жаштагы баласы мектепте болгон үчүн аман калган. Апасы үй кожойкеси, 2019-жылдан бери психиатриялык ооруканада каттоодо турат.
