Орусиянын президенти Владимир Путиндин 1990-жылдардагы визиттик картасы электрондук аукциондо 2 миллион рублга сатылды. Бул тууралуу Санкт-Петербургдагы аукцион үйүнүн жетектөөчү адиси Финист Цыганков ТАСС агенттигине билдирди.
Анын айтымында, «соода» бир топ узакка созулган. «5 мүнөткө созулду. Бул аукционго көп убакыт», — деди ал.
Буга чейин максималдуу сунуш 2,8 миң рублди түзгөн, баштапкы баасы 1 миң рубль болгон, ал эми аукцион башталганга беш саат калганда максималдуу сунуш 200 миң рубль болгон.
Владимир Путин 1990-1991-жылдары Ленинград шаардык кеңешинин төрагасынын кеңешчиси болуп иштеген, аны Анатолий Собчак жетектеп турган.