Орусиянын Белгород облусунда Ил-76 аскердик-транспорттук учак кулап түшкөн. Кулаган учурдун видеолорун Орусиянын Telegram каналдары жарыялашты.
Бир катар маалымат булактары Орусиянын Коргоо министрлигине шилтеме берүү менен учактын бортунда Белгород облусуна алмашуу үчүн жеткирилген украиналык аскер кызматкерлери, ошондой эле экипаждын алты мүчөсү жана аны коштоп жүргөн үч адам болгонун кабарлашты. Учурда учак кырсыгынын себептери такталууда.
Учакта жалпысынан 74 адам болгон. Алардын арасында туткунга түшкөн украиналык 65 аскер кызматкери, алты экипаж мүчөсү жана үч коштоп жүргөн адам бар.