Бүгүн, 19-июнда Кемерово облусунун Танай аэродромунда L-410 учагы кулап түшкөн. Ал парашютчулар менен машыгуу үчүн учурулган. Катуу конуу жети кишинин өмүрүн алды. Бул тууралуу ЖМКлар жазышты.
Новосибирск убактысы менен түшкө чейин каза болгондордун саны жети адамга жетти. Кеминде 12 адам жаракат алды. Кырсык Танай аэродромундагы машыгуу учурунда болгон. Аэродром Новосибирск облусу менен чектешкен жерден бир нече чакырым алыстыкта жайгашкан. Алдын ала маалыматтар боюнча, жабдуунун иштен чыгышы катуу конууга алып келген. Учак көтөрүлүп жатканда бийиктикке көтөрүлө албай калган.
«Учуудан кийин учактын кыймылдаткычтарынын бири иштен чыккан. Командир жердин ылайыктуу бетине чукул конууну чечкен”, — деп жазылат басылмаларда.