2022-жылдын аягында Орусиянын 71 жаштагы тургуну дачасында иштөө үчүн өзүнө Өзбекстандын жарандары болгон эки жумушчуну 200 долларга сатып алган. Бул тууралуу Podrobno.uz жазды.
Орусияда мыйзамсыз жашаган 31 жаштагы эркек менен 27 жаштагы келин кулчулукка кабылган. Алты айга жакын полиция барганча бакчада иштешкен.
Пенсионер кармалып, “адамды уурдоого байланышпаган мыйзамсыз түрдө эркиндигинен ажыратуу” жана “мыйзамсыз миграцияны уюштуруу” беренелери боюнча кылмыш иши козголуп, учурда ал СИЗОдо. Белгисиз сатуучулар изделүүдө.
