Өзбекстан өлкөгө киргендер үчүн коронавирус пандемиясына байланыштуу бардык чектөөлөрдү алып салды. Бул тууралуу өлкөнүн Туризм жана спорт министрлигинин маалыматына таянуу менен Podrobno.uz жазды.
Мындан ары саякатчылардан ПЦР-тест же эмдөө сертификаты талап кылынбай турганы белгиленет. 10-июндан тарта аба, чек ара темир жол бекеттери жана чек ара бекеттери туристтик максатта кирүүгө коюлган чектөөлөр алынып салынды.
Буга чейин Казакстан 8-июндан тарта чек арадан өтүүдө ПЦР-тесттин же эмдөө паспортун көрсөтүү талабын жокко чыгарган.
