Өзбекстандын Сырдарыя облусунда 22 жаштагы кыз поезддин алдында калып көз жумду. Бул тууралуу өлкөнүн Транспорт министрлигинин басма сөз кызматынан билдиришти.
Маалыматка караганда, окуя 24-майда болжол менен саат 13:30 чамасында болгон. Ыкчам иликтөө иштеринин жыйынтыгында маркум электропоездге капысынан урунуп, окуя болгон жерде көз жумганы айтылды. Кийин анын аты-жөнү такталып, Хаваст районундагы Гүлбахар айылынын 1999-жылы туулган тургуну экени белгилүү болду. Аны поезд экиге бөлүп кеткен. Учурда тергөө уланып жатат.
