Кечээ, 20-февралда саат 18:02де Анжиян облусунун өзгөчө кырдаалдар башкармалыгына Шахрихан районунун Янги Найнаво Махалла шаарында жайгашкан май куюучу станцияда пропан газы жарылганы тууралуу билдирүү түшкөн. Кырсык болгон жерге саат 18:13тө Тез жардам кызматы барган.
Маалыматтарга ылайык, кырсыктан май куюучу жайдын аймагында болгон эки жаран жаракат алган. Учурда жабыркагандар райондук ооруканага жаткырылган. Окуянын себептери жана материалдык зыяндын суммасы такталууда.