Өзбекстандын президенти Шавкат Мирзийоев өлкө башчылыгына мөөнөтүнөн мурда шайлоо өткөрүлөрүн жарыялады. Ал жарлыкка кол коюлганын 8-майда Олий Мажлис палаталарынын, партиялардын, сот жана аткаруу бийлик органдарынын жетекчилери менен референдумдун жыйынтыгына арналган жыйында билдирди.
Шавкат Мирзийоев шайлоо толук мыйзам чегинде, ачык жана айкын өтөт деп ишендирди. Шайлоо Борбордук шайлоо комиссиясы тарабынан бир айдан кечиктирилбестен дайындалат.