Өзбекстандын Самарканд облусунун укук коргоо органдары үйлөнүү үлпөт тойдо акча чачуу салтын сынга алып, андан баш тартууга чакырды.
«Урматтуу мекендештер! Сиздерди Өзбекстандын банкнотторундагы мамлекеттик символдорду урматтоого чакырабыз», — деп айтылат милициянын кайрылуусунда.
Салт боюнча, жаңы үйлөнгөндөрдүн бийи учурунда алардын туугандары жана достору жубайларга ийгилик үчүн акча ыргытышат. Укук коргоо органдары социалдык тармактарда майрамдык иш-чаралардан алынган мындай видеотасмалардын жигердүү көбөйгөнүн белгиледи. «Мамлекеттик символдор түшүрүлгөн банкнотторду тебелөө этикага туура келбейт», — деп кошумчалашты.
