Өзбекстанда тоодон чоң таш түшүп, өтүп бара жаткан Chevrolet Cobalt унаасынын үстүнө кулады. Бул тууралуу Podrobno.uz жазды.
Каргаша 6-ноябрда саат 16:00дө Кашкадарыя районундагы Тахтакарача ашуусунда болгон. Үч адам ошол жерде каза болгон.
Унаа Китабдан Самаркандга бара жаткан. Каза болгон жарандардын аты-жөнү такталууда. Социалдык тармактардагы маалыматтарга караганда, салондогу жүргүнчүлөр Венгриянын жарандары, айдоочусу Өзбекстандан болгон. Азырынча бул маалымат тастыктала элек.