Пакистанда 12-15-апрелдеги жаан-чачындын кесепетинен кеминде 41 адам, анын ичинде 28и чагылгандан каза болду. Бул тууралуу Франс Пресс билдирди.
Пакистандын эң ири жана калкы эң көп провинциясы болгон Пенджабда жума күндөн жекшембиге чейин чагылган тийип, 21 адам каза болгон.
Белужистан провинциясында кеминде сегиз киши, анын ичинде чагылган тийген жетөө набыт болду. Жаандан облустун 25 району жабыркап, айрым аймактарды суу каптады. Провинциядагы мектептер жабылды. Түштүктөгү Синд провинциясында суу каптаган жолдорго байланыштуу жол кырсыгынан төрт адам каза болду. Түндүк-батыштагы Хайбер-Пахтунхва провинциясында нөшөрлөгөн жаандан улам үйлөр урап, дагы сегиз адам каза болду, алардын төртөө бала.
Four people trapped in flash floods in #Mendhar area of #Poonch. Rescued after hectic efforts by locals in #ChattralNallah in #Mendhar. Water levels have seen sudden rise due to heavy rainfall since yesterday evening. https://t.co/78clynUzcZ pic.twitter.com/WmGuIEo8Yv
— Rakesh Kumar (@RiCkY_847) April 16, 2024
