Алжирдик боксчу Иман Хелиф айланасында болгон гендердик чатакка карабай, Олимпиаданын алтыны үчүн күрөшө турганын Tengri Sport басылмасы жазды.
Алжирдин өкүлү жарым финалда таиланддык Жанжаем Суваннафаенгди 5:0 эсебинде жеңип алды. Эми Олимпиаданын финалында кытайлык Ян Лю менен күч сынашат.
- Буга чейин кыз-келиндер арасындагы бокс боюнча мелдештин чейрек финалында италиялык Анжела Карини алжирлик трансгендер делген спортчу Иман Хелиф менен 46 секунд гана беттешкен. Карини денеси ооруп жатканын айтып, беттешти токтоткон. Хелиф 2023-жылкы Дүйнө чемпиондугунун финалында тестостерондун жогорулашынан улам дисквалификацияланган, бирок Олимпиада оюндарына катышууга уруксат берилген.
- Иман Хелифтин атасы Амар Хелиф спортчунун кыз киши экенин далилдеш үчүн анын туулгандыгы тууралуу күбөлүгүн жана бала кездеги сүрөттөрүн көрсөткөн.