Португалияда шаркырап аккан кызыл шараптын видеолору социалдык баракчаларга тарап, коомчулуктун назарына илинди. Бул тууралуу чет элдик басылмалар жазышууда.
10-сентябрь күнү Анадия шаарындагы Дестилариа Левира заводунда эки шарап резервуары жарылып, 2 миллиондон ашык литр шарап агып кеткен. Компания келтирилген бардык чыгымды, жоопкерчиликти өзүнө алган жана тазалоо үчүн жабдууларды жана жумушчуларды жиберген. Ошондой эле тургундардын жоголгон буюмдарынын сүрөттөрүн жана видеолорун жөнөтүүгө үндөгөн. Азырынча кырсыктын себептери белгисиз. Жабырлануучулар жок.
Интернет колдонуучулар бул окуяга тамаша иретинде бир бокал шарап менен ачык асман алдында түшкү тамактанууну сунушташты.