Чехиянын борбору Прагада «Гүлчамбар» («Венок») деген аталыштагы скульптура орнотулду. Бул тууралуу чет элдик басылмалар жазып чыгышты.
Аталган скульптура чехиялык сүрөтчү Вероника Псоткованын эмгеги. «Эмгегим украиналык энелерге арналат. Башындагы гүлчамбар жеңиш, бакыт, тынчтык, жаштык жана назиктикти символдоштурат», — дейт сүрөтчү.
Көп кабаттуу үйлөрдүн ортосуна илинген скульптураны жергиликтүү тургундар коркунучтуу деп баалашып, аны балдарын жеген жезкемпирге салыштырышууда.
