«Орусия агрессияга алдын ала жооп кайтарды, бул бирден-бир туура чечим болду», — деп билдирди Владимир Путин Жеңиш парадында сүйлөп жатып.
«Аскердик инфраструктура кантип өнүгүп жатканын, жүздөгөн чет элдик кеңешчилер кантип иштей баштаганын, НАТО өлкөлөрүнөн эң заманбап курал-жарактарды үзгүлтүксүз жеткирүү жүрүп жатканын көрдүк. Коркунуч күн сайын күчөдү. Орусия агрессияга алдын ала жооп кайтарды — бул мажбурланган, өз убагында жана бирден-бир туура чечим, эгемендүү, күчтүү жана көз карандысыз өлкөнүн чечими болду», — деди Путин.
Орус президенти Орусиянын чек арасына жакын жерде дароо коркунуч жаралып, кол салуу даярдалып жатканын айтты.
Путин Донбасстын кошуундары менен орус армиясынын жоокерлери “душманды ата-бабалары талкалаган” өз жеринде согушуп жатканын айтты. «Азыр Кызыл аянтта биздин кең мекенибиздин көптөгөн аймактарынан келген жоокерлер жана офицерлер, анын ичинде Донбасстагы согуштук аймактан түз келгендер турушат», — деди ал.