Сакуранын гүлдөө мезгили Японияга 9 миллиард доллар алып келет. Бул өлкөнүн тарыхындагы эң жогорку көрсөткүч. Бул тууралуу «Кровавая барыня» Телеграм каналы жазды.
Япониянын экономикасы бул жылы сакураны көрүүнү каалагандардын эсебинен 1,39 триллион йенге жакын пайда көрөт. Бул өткөн жылга салыштырмалуу 22 пайызга көп. Ошол эле учурда былтыр, 2024-жылы Японияга рекорддук сандагы турист барган. Өлкөнүн улуттук туристтик уюмунун маалыматы боюнча, болжол менен 37 миллион адам барган.
Сакураны көргөнү чет өлкөлүктөр менен бирге жергиликтүүлөр да барышат. Бул бюджетти тамак-аш, суусундуктар, сувенирлер жана транспорттук чыгымды сатуудан түшкөн каражаттар түрүндө толтурат.
Орто эсеп менен Япониянын тургундары ханами сезонунда киши башына 7120 йен (47 доллар) коротушат. Бул жылы сакура гүлдөрү бир жыл мурункуга караганда беш күн эрте гүлдөй баштады. Токиодогу бак-дарактар ишемби күнү толук гүлдөп, жалпы сезон апрелдин ортосуна чейин созулат деп күтүлүүдө.
