Астанада автобус кырсыгынан оор жаракат алган кыз тууралуу маалымат жарыяланды. Кыз учурда ооруканада, анын эки буту кесилген. Бул тууралуу Tengrinews.kz жазды.
Кыздын аты Алуа Бекен. 7 жашта. Ал быйыл биринчи классты аяктады. Туугандары билдиргендей, 7 жаштагы Алуа борбор калаадагы чоң апасына каникулга келген. Ошол күнү ал чоң апасы, бир туугандары менен «Мегага» сейилдеп, автобекетке агасын тосуп алууга барышкан. Бүт үй-бүлө ошол автобуста үйгө кайтып бара жаткан.
«Биз алдыда отурганбыз. Төрт неберем айдоочунун артындагы отургучтарда отурган. Автобус Республика проспектисин көздөй бурулуп, мамыга урунду. Катуу соккудан улам алдыңкы терезеден чыгып кеттим», — дейт кыздын чоң энеси Жаухар Зейкеновна.