Самара облусунда эки кичинекей кызды зордуктоого шектелген жергиликтүү тургундун өлүмү боюнча кылмыш иши козголду. Бул тууралуу «Российская газета» жазып чыкты.
Жарандын сөөгү 2-сентябрда табылган. Анын сөөгүн Самаранын Красноглинский районундагы Винта айылынын жанындагы токойго көмүп коюшкан. Ал бычактан алган жаракатынан каза болгон.
Киши өлтүрүүгө 1987-жылы туулган жергиликтүү тургун шектелүүдө. Медициналык-криминалистикалык жана кырдаалдык экспертизалар дайындалды, укук коргоо кызматкерлери күбөлөрдү издеп жатышат.