«Клон» сериалындагы Карла Диас келбеттүү жана бай адамга турмушка чыгууну кыялданчу. Кыялы ишке ашып, ал жакында эле турмушка чыгуу сунушун алды.
31 жаштагы актрисанын тандаган сүйүктүүсү депутат жана жаныбарлардын укугун коргоочу Фелипе Бекари. Сүйүшкөндөр көптөн бери сүйлөшүп жүрүшкөн, эми алардын мамилеси жаңы деңгээлге көтөрүлдү. Карла Диас абдан бактылуу экенин билдирген. Азырынча тойдун күнү айтыла элек.
Карла Диас «Клон» сериалындагы ролу менен белгилүү болгон. Бул долбоордон кийин ал кино жана телекөрсөтүү тармагында ишин уланткан.
