3-апрелде Тайванда күчү 7,4 баллга жеткен күчтүү жер титирөө болду. Анын кесепетинен көптөгөн үйлөр жана имараттар урап калган. Бирок бекем турган бир имарат бар, тактап айтканда, «Тайбэй 101» имараты.
Ал чындыгында жер титирөө болгондо термелип турган. Бирок урап калган эмес. Эмне үчүн?
«Тайбэй 101» 2004-жылы курулган, 101 кабаттан турат жана бийиктиги 508 метр. Тынч океандагы өрт шакекчесинин сейсмикалык активдүү жана вулкандык активдүү зонасында жайгашкандыктан, имарат жер титирөөдөн катуу корголушу керек болчу. Имарат жергиликтүү CY Lee & Partners архитектуралык фирмасы тарабынан долбоорлонгон. Дизайн Тайванда тез-тез болуп турган жер титирөөлөрдүн жана тайфундардын соккуларына туруштук берүү үчүн мүмкүн болушунча ийкемдүү жасалган.
Демпфер чыгарган A+H Tuned Mass Dampers компаниясынын айтымында, имаратта таасирлерге 40 пайызга чейин туруштук бере алган демпфиялык топ бар. Имараттын сайтынын маалыматы боюнча, имарат шар демфпер менен жабдылган, анын негизги милдети — катуу шамалдан улам имараттын термелүүсүн азайтуу. Шардын диаметри 5,5 метр, 660 метрикалык тонналык катуу болот плиталардын 41 катмарынан турат. Шар диаметри 8,9 сантиметр жана ар биринин узундугу 42 метр болгон 92 болот тросско илинген. Ал гана эмес, шардын астында дагы 8 чоң гидротехникалык шамал демпферлери же негизги гидравликалык илешкек демпферлер бар. Бул термелүүнү азайтып, имаратка кошумча туруктуулукту берет.
