Социалдык түйүндөрдө нааразычылыкты жараткан видео боюнча Тажикстандын укук коргоо органдары маалымат берди. 19-апрелде жарыяланган видеодон эки баланын бир бөлмөдө камалып жатканын көрүүгө болот. Балдардын бири гахворага (бешик) бекем байланган болсо, экинчисин дубалга жип менен байлап коюшкан.
Видеону Душанбедеги жатаканалардын биринде өзүн Маржона Халилова деп тааныштырган медайым тарткан. Видеодо ал эшикти коменданттын жардамы менен бузууга туура келгенин айтат. Маалыматка караганда, балдардын ата-энеси жумушка кетишкен. Балдардын улуусу ыйлап, «Атам мени байлап кетти» деп жатканын угууга болот. Видеонун автору бул окуя кайталанып келгенин айтат.
20-апрелде Душанбе шаардык ички иштер башкармалыгы бул балдардын ата-энелери аныкталганын кабарлады. Алар 58 жаштагы Н. Менгибоев менен 32 жаштагы Ш. Курбонова болуп чыкты. Эмне үчүн алар балдарды байлап, үйгө таштап кетишкени азырынча белгисиз. Жашы жете элек балдардын ата-энелери кармалганы кабарланууда.
