Талибдердин лидерлери Ооганстанды башкаруу системасын аныкташты. Бул тууралуу Foreign Policу жазып чыкты.
Маалыматка караганда, талибдер 12 адамдан турган кеңеш түзүшөт. Ага талибдердин саясий кеңсесинин башчысы Абдул Гани Барадар, Мухаммед Якуб, кыймылдын негиздөөчүсү Мухаммед Омар жана «Хаккани» террористтик тобунун жогорку даражалуу мүчөсү Халил ал-Рахман Хаккани кирет.
«Барадар менен Якубга жакын булактын айтымында, кеңешке мындан 20 жыл мурун террорчулар тарабынан өлтүрүлгөн талибдерге каршы «Түндүк альянсынын» лидери Ахмад Шах Масуддун уулу Ахмад Масуд да киргиси келген. Анткен менен Панжшердеги талибдерге каршылык көрсөтүүнү жетектеген Ахмад Масуддун кеңешке кириши күмөн. Басылманын булактары мурунку администрациянын айрым мүчөлөрүнө өздөрү тандаган министрликтерди башкаруу сунушталарын да айтышты.
15 -августта «Талибан» радикалдык кыймылы Ооганстандын бардык аймагын толук көзөмөлгө алганын жарыялаган.
