Танзаниянын президенти Жон Магуфулинин өлүмүнүн расмий себеби жүрөк оорулары болгон. Бул тууралуу РБК каналы билдирди.
«Президент Жон Магуфули 10 жыл бою кыйналып келген жүрөк оорусунан көз жумду», — деп жазылат маалыматта. Танзаниянын 61 жаштагы президентинин өлүмү жөнүндө бүгүн, 18-мартта эртең менен белгилүү болгон. Оппозициячыл саясатчы«Магуфули коронавируска чалдыккан жана ал Кенияда ооруканага жаткырылган» деген болчу. Бийлик бул маалыматты тастыктаган жок. Мамлекет башчы февраль айынын аягынан бери эл алдына чыкпай калганы айтылган эле.
