Өзбекстанда боёк жүктөлгөн жүк ташуучу унаа ашуудан түшүп келе жатып оодарылып, жарылып кетти. Бул тууралуу Tengrinews.kz билдирди.
Министрликтин маалыматына караганда, окуя 6-апрель күнү түштөн кийин Ташкент-Ош эл аралык унаа жолунун 259-чакырымында, Камчык ашуусунда болгон. Саат 11:10дор чамасында кырсыктын кесепетинен жүк ташуучу унаа күйүп, дагы үч жеңил унааны сүзгөн. Окуя болгон жерден тартылган кадрлар социалдык тармактарга тарап жатат.
«Алдын ала маалымат боюнча, кырсыктын кесепетинен 6 адам жабыркап, жакынкы медициналык мекемеге жаткырылды. Өрт толугу менен өчүрүлгөндөн кийин айдоочу жүк ташуучу унаанын ичинде каза болгондугу белгилүү болду», — деп айтылат маалыматта.