Паникердин Кранти Гиннесстин рекордун 4-ирет койду. Ал бул жолу тили менен бир мүнөттө 57 желдеткичти (вентилятор) токтотту.
Кооптуу трюктары менен белгилүү болгон «дүрбөлөңчү» каймана аты бар индиялык Паникер Кранти Кумардын бул өнөрү көрүүчүлөрдү таң калтырды. Анын видеосу бир нече күндүн ичинде 58 миллиондон ашык көрүүнү чогултуп, дүйнө жүзү боюнча реакциялардын толкунун жаратты.
Паникер комментарийлер бөлүмүнө «Урматтуу Гиннесстин рекорддор китеби командасы! Мен үчүн бул чоң кыял! Өзүм кичинекей айылдан болом. Бүгүнкү күндө Гиннесстин төрт рекордуна жетиштим. Бул көп жылдар бою жумшаган талыкпаган эмгектин жана берилгендиктин жыйынтыгы. Рахмат!» деген билдирүү калтырган.
