АКШнын мурдагы президенти Дональд Трамп журналист жана жазуучу Элизабет Жин Кэрроллго сексуалдык ыдык көрсөтүү боюнча күнөөлүү деп табылды. Бул тууралуу дүйнөлүк ЖМКлар жазып чыгышты.
Ал соттун чечими менен 5 миллион доллар төлөп бериши керек. Бул АКШнын экс-президентинин сексуалдык ыдык көрсөтүү боюнча күнөөлүү деп табылган биринчи учуру.
Кэррол биринчи жолу 2019-жылы бул окуя тууралуу айтып берген. Өз китебинде 1996-жылы Трамп аны кийим бөлмөсүндө зордуктаганын жазган. Трамп муну четке кагып, 9-майдагы өкүмдү “уят” деп атады.