Түркиялык басылмалар аталган өлкөнүн айлана-чөйрөнү коргоо, шаар куруу жана климаттын өзгөрүшү боюнча министри Мурат Курумга шилтеме берүү менен Түркиядагы акыркы жер титирөөдө топурак көйгөйү имараттардын чоң бөлүгүнүн кыйраганына себеп болгонун жазышты.
«Көп имараттар топурактан, топурактын суюлушунан жана инженердик кызматтардын жоктугунан бузулган. Биз жерди изилдөөдө да, курулуш үчүн жаңы жерлерди аныктоодо да шаардын муктаждыгын эске алуу менен ишибизди улантып жатабыз», — деп айтылат маалыматта.
Министр урап калган үйлөр 1999-жылга чейин Түркияда да катуу жер титирөө болгондон мурда курулганын баса белгиледи. Курумдун айтымында, катуу жабыркаган имараттар бузулат.