Түркияда айына 2 миң доллар алып иштеген чабандар TikTok көрүү үчүн 30 ГБ интернетке акча төлөө шартын коюп жатышат. Бул тууралуу дүйнөлүк ЖМКлар жазышты.
Элазыг шаарындагы кой ээлери адаттан тыш өтүнүчкө туш болушту. Акы төлөнүүчү үй, тамак-аш, жумуш кийимдери жана 2000 доллар маянадан тышкары, чабандар ТикТокту көрүү үчүн ай сайын 30 ГБ мобилдик интернет төлөп берүүнү талап кыла башташты.
Урбанизациянын күчөшүнө жана кесиптин популярдуулугунун төмөндөшүнө байланыштуу өлкөдө кадрлардын жетишсиздиги байкалууда. Ошондуктан иш берүүчүлөр бул шартка да көнүп жатышат. «Биз алар эмне дешсе, ошого көнүүгө мажбурбуз. Себеби бул оор кесип. Тоодо, ташта, жаанда, карда да иштейсиң. 50 жашка чыкканда эле колу-бутуң ооруп баштайт», — дейт фермер.